Українські народні пісні

А МАЮ Я, ЕЙ, ЖЕНУ В СТАРИМ КРАЮ
Українська народна пісня

А маю я, ей, жену в старим краю,
Што там робить, ей, сам того не знаю,
А то она бандурки окопує,
А од мужа, ей, новину не чує.
А то она бандурки окопує,
А од мужа, ей, новину не чує.

Як од мужа, ей, новину почує,
Вшитко собі, ей, до порядку дає,
Сама сяде, ей, на Браного коня,
Приде ку мі, ей, драга душа моя.
Сама сяде, ей, на Браного коня,
Приде ку мі, ей, драга душа моя.

А як она, ей, на коня сідала,
Та ся она, ей, дуже застарала:
— А Боже мій, ей, як то я ся старам,
Як я тоту, ей, воду преплавать мам?
— А Боже мій, ей, як то я ся старам,
Як я тоту, ей, воду преплавать мам?

А як она, ей, воду преплавала,
Та ся она, ей, на мужа звідала:
— Де ту мій муж, ей, у тій Америці?
Ту він робив у зелізній фабриці.
— Де ту мій муж, ей, у тій Америці?
Ту він робив у зелізній фабриці.

А як она, ей, до фабрики вошла,
Свого мужа, ей, неживого нашла,
Лем тоту кров, ей, што з нього цяпкала,
А як над ньов, ей, гірко заплакала:
Лем тоту кров, ей, што з нього цяпкала,
А як над ньов, ей, гірко заплакала:

Ви, панове, ей, прошу вас про Бога,
Повічте мі, ей, де мій муж ту сконав?
Сконав він ту, ей, на той сивой скалі,
Забили го гунцути англичани.
Сконав він ту, ей, на той сивой скалі,
Забили го гунцути англичани.

Англичани, ей, што ви наробили,
Же ви мого, ей, мужичка змарнили?
Не зробив він, ей, ничого планого,
А він пішов, ей, марно з світа того.
Не зробив він, ей, ничого планого,
А він пішов, ей, марно з світа того.

Кед не зробив, кед не зробив ничого,
Не увидиш його веце живого.
У тім гробі, ей, де він собі лежить,
Біла ружа, ей, на тім гробі сходить.
У тім гробі, ей, де він собі лежить,
Біла ружа, ей, на тім гробі сходить.

Українська народна пісня А МАЮ Я, ЕЙ, ЖЕНУ В СТАРИМ КРАЮ — ноти
А МАЮ Я, ЕЙ, ЖЕНУ В СТАРИМ КРАЮ — ноти — українська народна пісня

Походження та примітки

Запис. А. Дулеба в селі Олька Гуменського округу ЧСФР від М. Куруц. — Українські народні пісні Східної Словаччини/Зап. і упор. А. Дулеба. — Словацьке педагогічне видавництво, 1977. — Кн.. З., — С. 81. — № 71. — 85.