А не є то на свеце, як молоді невесце, (Двічі)
Муж є в Гамерице, (Двічі) сама робі што хце.

А муж в Гамерице робит на таляри, (Двічі)
А она купує (Двічі) паробкам цигари.

А купуй, жено, купуй, кед маш за што куповац, (Двічі)
Іде ти там стівка, (Двічі) можеш ю скельтовац.

А виход же, мій мужу, до свойого краю, (Двічі)
Най тя твої діти (Двічі) тівко не чекают.

А што же мі за діти, што я о них не знам, (Двічі)
Кед юж седем рочків, (Двічі) як я з тобов не спав?

А я шати рейбала, о тобі я думала, (Двічі)
Тади я, мій мужу, (Двічі) і в тяжи зостала.

Не циган ти, жено, же ти шати рейбала, (Двічі)
Але повідж правду, (Двічі) же-с фраїра мала.