А там долов, а там долов при Дунаю (Двічі)
Пиют хлопці вино (Двічі)
В велькім жалю. (Двічі)

Єдни пиют, єдни пиют, наливают, (Двічі)
Други собі дівча (Двічі)
Намовляют. (Двічі)

Ніж си дівча, ніж си дівча намовили, (Двічі)
Других триста злотих (Двічі)
Промарніли. (Двічі)

А там долов, а там долов при Дунаю (Двічі)
Пиє хлопец вино (Двічі)
В велькім жалю. (Двічі)

Пиє, пиє, пиє, пиє в велькім жалю, (Двічі)
Же ма фраїречку (Двічі)
В чужім краю. (Двічі)

— Хто єй видів, хто єй видів, най мі повіст, (Двічі)
Най мене серденько (Двічі)
Най не болит. (Двічі)

— Я єй видів, я єй видів правим очком, (Двічі)
Як жала травичку (Двічі)
За поточком. (Двічі)

Жала, жала, жала, жала, зав’язала (Двічі)
Та й на миленького (Двічі)
Заволала: (Двічі)

— Милий, милий, милий, милий з тамтой страни, (Двічі)
Под же на мя двигай (Двічі)
Зайду трави! (Двічі)