Била я весела, але не в тім рочку,
Пішла мі веселіст за гору височку.

За гору височку, за море червене,
Юж моє серденько не буде веселе.

Вийду я на гору і там собі стану,
Кому я ся кому до ручок дістану?

Стяли бучка, стяли, стяли зеленого,
Взяли за воячка милого мойого!

Єдного мі взяли, другого ся строят,
Чи тоти панове Бога ся не боят?

Одлетіло ябко в поле до тернячка,
Полишив мя шугай — пішов за воячка!