Боже, Боже, як ся старам, (Двічі)
Де пожену бички заран. (Двічі)

Вера я їх не пожену, (Двічі)
Бо я маю млоду жену. (Двічі)

Млода жена челядничка (Двічі)
Займе бички до гаїчка. (Двічі)

До гаїчка, до лелиї (Двічі)
Напасутся розмариї. (Двічі)

Розмариї напасутся, (Двічі)
Зимної води напиются. (Двічі)

Зимної води фіялковой (Двічі)
Зо студенки корчмарьовой. (Двічі)

Корчмар, корчмар біле гуся, (Двічі)
Не треба ти било мужа. (Двічі)

Ани мужа, ни фраїра, (Двічі)
Било ходиц, як лелия. (Двічі)