Українські народні пісні

ГЕЙ, БОЖЕ МОЙ
Українська народна пісня

Гей, Боже мой, Боже мой,
Де ся дів роскощ мой?
Дуй, вітре, варошом,
Гей, дуй, вітре, варошом
За моїм роскошом.

Гей, пасла я корови
На зеленій луці,
Принюс мі миленький,
Гей, принюс мі миленький
Чиколяду в руці.

Гей, чиколяду в руці,
Цукерки в кишені,
Щобис, мила, знала,
Гей, щобис, мила, знала,
Що то є від мене.

Гей, фраїречко моя,
Не маш вельо поля,
То ся не виробит
Біла ручка твоя.

Гей, а за нашов хижов
Пасутся телята,
Люблят мене хлопці,
Хоть я не богата.

Гей, хоть я не богата
І поля не маю,
Але без вечері
Спати не лягаю.

Гей, а за нашов хижов
Пасутся корови,
Гей, люблят мене хлопці
Сами гонорови.

Гей, фраєрю за водов,
Тяжко мі за тобов,
Тяжко серцю мому,
Гей, тяжко серцю мому,
Сама не знам чому.

Гей, знала би я чому,
Ніт сказати кому,
Сказала бим сестрі,
Гей, сказала бим сестрі,
Або брату свому.

Гей, сказала бим сестрі,
Або брату свому,
Він мі не повірит,
Гей, він мі не повірит
Тягареви мому.

Гей, тяжко мені, тяжко
На мому серденьку,
Якби мі го зв’язав
Єдвабнов стуженьков.

Гей, попуст, мила, попуст
Єдвабну стуженьку,
Зроби полекшіня,
Гей, зроби полекшіня
Моєму серденьку.

Гей, я тя не попущу,
Ище го затягну,
Пок’ твоє серденько
К свому не притягну.

Гей, піду я, піду я,
Кади я ходила,
Найду я си, найду,
Що я загубила.

Гей, піду я, піду я
Долов, долинами,
Найду я си, найду,
Гей, найду я си, найду
Галузь з малинами.

Гей, буду їх варила
В солодкім молоці,
Буду чарувала,
Гей, буду чарувала
По Репедю хлопців.

Гей, вшитких вичарую,
Лем єдного лишу,
І того єдного,
Гей, і того єдного
Любити я буду.

Українська народна пісня ГЕЙ, БОЖЕ МОЙ — ноти
ГЕЙ, БОЖЕ МОЙ — ноти — українська народна пісня

Походження та примітки

Співала Марія Сухоставська, село Репедь

Антологія лемківської пісні /Упорядник М. Байко/. — Львів, Видавнича фірма «Афіша», 2005