Добрі, мужу, же маш жену в краю.
Лем ті за ньом хлопці позерают. (Двічі)

Муж їй робит, в роботі ночує,
А до краю пінязі шикує. (Двічі)

Он шикує, як добрій ґаздині,
Жеби могла купити осмини. (Двічі)

Але она на осмини не дзбат,
Лем кет она гадвабний кабат мат. (Двічі)

Кабат, кабат, ранцьовани бути,
А так она свого мужа лупит. (Двічі)

А кед в корчмі заграє музика,
Она перша, як парадна дівка. (Двічі)

Стане собі до шору од краю,
А так по ній хлопці позерают. (Двічі)

— Подьте, хлопці, бо буде гостина,
Під фартушком хлібик, солонина. (Двічі)