Дунаю, Дунаю, бистра вода твоя,
Не повідж, дівчатко, (Двічі)
Же я бив при тобі.

Лем ти так повідай, же я лучку косив,
Дам я ти перстеник, (Двічі)
Што я го рад носив.

Коничку сивавий, винес мя з мурави,
Як мя не винесеш, (Двічі)
Стрілю ти до глави.

Стрілю ти до глави і до твого бочка,
Як мя не винесеш (Двічі)
До того горбочка.

Таке ся мі, таке дівча сподобало,
Што на бистрім ярку (Двічі)
Личко омивало.

Личко омивало, хусточком втерало.
Таке ся мі, таке (Двічі)
Дівча сподобало.