За яречком шати прала, горі, долов попатряла,
Гоп, цюп, черчик хлопчик ладний!

На черчику плащ єдвабний, сідит милий на коню,
Машерує на войну.

Коня взяла за вуздечку, миленького — за ручечку,
Гоп, цюп, черчик хлопчик ладний!

Коню дала вівса-сіна, а милому меду-вина.
Гоп, цюп, черчик хлопчик ладний!

Чи тобі жаль вівса-сіна, чи милому меду-вина?
Гоп, цюп, черчик хлопчик ладний!

Ни мі не жаль вівса-сіна, ни милому меду-вина,
Гоп, цюп, черчик хлопчик ладний!

Але мі жаль того світа, што так марно ідут літа...
Гоп, цюп, черчик хлопчик ладний!