На війтовій ролі студенечка стоїт.
Чого ти, дівчино, по воду не ходиш?

Не видно, не видно гарной дівки моєй.
Ци ти ся мя стидаш, ци ти ся мя боїш?

Чого би я тебе, Ванічко, стидава?
Кед би м я за тобов до води скочива.

До води, до води, што ся вково точит.
Такого Ванічка, што ма чорни очи.

Чорни очи маме, на ся позераме.
Што кому до того, же ми ся кохаме!

Што кому до того, што кому то шкодит.
Кохатись нам вільно, бо ми ще моводи.

Дуднит вода, дуднит в цемброваній студни.
Закохатись легко, оженитись трудно.