Ой Боже, Боже, чогом ся дочкав, (Двічі)
Же я ся так молоденький (Двічі)
До войска достав!

При войску достав коня сивого, (Двічі)
А хто же мі буде вкладав (Двічі)
Сідло на нього?

Ах, прийд мі мила, подай шабличку, (Двічі)
Бо я буду юж ся зберав (Двічі)
На екзецирку.

А екзецирка та нич не значит, (Двічі)
Але тому, хто єй знає, (Двічі)
Стари вояци.

Стари вояци лем спацируют, (Двічі)
А тому рекрутята ім (Двічі)
Гвери пуцуют!