Ой мій Боже, што ся робит,
Милий до мя не приходит.
Ані нині, ані вчера,
Не витримам до вечера.

Сонце сходит і заходит,
А мій милий не приходит.
Ані довго, ані мало,
Ой мій Боже, што ся стало?

Ой дівчино, білий кришталь,
Я би к твому личку пристав.
Я би к твому не пристала —
Ти високий, а я мала.

Ти високий, як драбина —
Я маленька, як дитина.
Ти високий і тоненький —
Я маленька і кругленька.

Ой дівчино, шахри-махри,
Коло тебе зілля пахне.
Не так зілля, як ти сама,
На папери мальована.

Білом фарбом написана,
На папери мальована.
Ой дівчино, квітко моя,
Коли же ти будеш моя?