Ой мамцю, мамцю, мамичко,
Єдну мя дівочку мате.
Добрі ви сой подумайте,
За кого ви мя оддате?
Добрі ви сой подумайте,
За кого ви мя оддате?

Ой мамцю, мамцю, мамичко,
Не оддайте мя далечко,
Лем оддайте мя близенько,
Де мій наймильший Ясенько.
Лем оддайте мя близенько,
Де мій наймильший Ясенько.

Ой мамцю, мамцю, мамичко,
Оддайте мя за такого,
Же мя буде шанувати,
А вас буде неньом звати.
Же мя буде шанувати,
А вас буде неньом звати.