Ой при лужейку, при бережейку,

Приспів:

Калино, гей, калино,
Чом тебе вода підмила?

Тамтуди лежить здавна стежейка.
На калинойці сив соколойко,
А тов стежейков іде дівойка.
— Біг, помагай біг, сив соколойко!
— Бодай здорова, красна дівойко!
Красна дівойко, подь ти за мене!
Ой маю же я три гради білі.
В єднім градойку самі будеме,
В другім градойку яра пшеничка,
В третім градойку зелене вино.
— Ой жеби ти мав три гради білі,
Не сидів би ти на калинойці,
Лем би ти сидів у граду білім.
Ой жеби ти мав три гради білі,
Не дзьобав би ти на лузі пісок,
Лем би ти дзьобав яру пшеничку.
Ой жеби ти мав три гради білі,
Не пив би ти си лугову воду,
Лем би ти си пив зелене вино.