Ой танцювала баба
Та з дідом обертака.
Ей, лем ти, старий, в танци
Не дрептай мі на пальці
Ей, лем ти, старий, в танци
Не дрептай мі на пальці

Ой казала собі баба
Та чардаша заграти.
І лем ся потрясує,
Та сой з дідом танцує.
І лем ся потрясує,
Та сой з дідом танцує.

Ой як сина оженю,
То сама собі ляжу.
І лем собі з-під перини
Та й голову викажу.
І лем собі з-під перини
Та й голову викажу.

І лем буду позерала,
Што мі невістка варит.
Ци зо три жмені соли
До киселиці шмарит?
Ци зо три жмені соли
До киселиці шмарит?

Ой не буду так робив,
Як я то перше робив,
Ой жеби я з камрадом
До фраїрочки ходив.
Ой жеби я з камрадом
До фраїрочки ходив.

Залицявся мі панич,
Ой але не зискав нич,
Лем три рази по писку
Та й тівко його зиску!
Лем три рази по писку
Та й тівко його зиску!

А сивий кін з ґачатом
За потічком ся пасе,
А лем Ваньо мя любит,
Ой а іншому засе!
А лем Ваньо мя любит,
Ой а іншому засе!