Панове-сватове, поволи ступайте,
Солом’яне село, лем го не запальте. (Двічі)

Як го запалите, то го загасите,
Нашу паню млоду одталь не возмете. (Двічі)

Не будеме їсти, не будеме пити,
Покаль нам не дате по што ми ту пришли. (Двічі)

Бо ми ту не пришли про хліб, про горілку,
Але ми ту пришли млодому по жінку. (Двічі)

Сіли зме ту, мамусь, на вашу лавицю,
Дайте же нам, дайте нашу молодицю. (Двічі)

Треба би нам, треба стільця широкого,
Жеби ся нам зишла родина до нього. (Двічі)

Родина, родина, ціла родинонька.
Ціла родинонька, тато і мамонька! (Двічі)

Допомож нам, Боже і Пречиста Мати,
В щасливу годину весіля зачати. (Двічі)

Щасливо зачати в щасливу годину,
Жеби собі Роман, Петрусь,
Василь добру милу взяв господиню. (Двічі)

Добру господиню і добру женичку,
А і про мамочку — добру невісточку. (Двічі)

Жеби била прачка, жеби била швачка
Іще і до того велика богачка. (Двічі)