Пасла би я воли, але юж не сама, (Двічі)
З тобом, Янчик, з тобом, під зеленим бобом. (Двічі)

Там під лісом Феся телята пасає, (Двічі)
Телята пасає, хорошо співає,
Аж ся по долині голос роздягає.

Што там, Фесю, робиш, што під лісом ходиш? (Двічі)
Телятка пасаю, єдно ся згубило,
Червоном ниточков назначено било.

А я тобі буду телятка пасати, (Двічі)
А ти мені будеш весело співати. (Двічі)

Сіли вони собі, стали говорити, (Двічі)
Як ми поберемось, як будемо жити. (Двічі)

А єї мамуся стала єй глядати, (Двічі)
Вона та їх нашла, стала їх лаяти. (Двічі)

Ой мати, ти, мати, перестань лаяти, (Двічі)
Возьму я ти Фесю, буду жену мати, (Двічі)
Буду жену мати. (Двічі)