Повідав лес, же мя возмеш,
Як на горі жито зожнеш,
А ти зожав і пов’язав,
На мене лес не отказав.
А ти зожав і пов’язав,
На мене лес не отказав.

Повідав лес, же мя возмеш,
Як на горі овес зожнеш,
А ти зожав і покосив,
По мене с ся не зголосив.
А ти зожав і покосив,
По мене с ся не зголосив.

Повідав лес, же мя возмеш,
Як на горі ярец зожнеш,
А ти зожав і пшеничку,
Мене с не взяв за женичку.
А ти зожав і пшеничку,
Мене с не взяв за женичку.