Повідав мі милий, же ма штири воли,
Же мя буде возив з хижи до комори. (Двічі)

Але мя не возив, лем ся на мя грозив,
Же мя буде бити, покля буде жити. (Двічі)

Яничку надобний, кобис ти був добрий,
Я би за тя пішла, хоц ти єс худобний. (Двічі)

Коби ти бив добрий, я би била ліпша,
А як ти злий будеш, то я буду гірша! (Двічі)

Коби ти бив добрий, я би ліпша била,
Кебис ти розмолов — я би зготовила. (Двічі)

Мала я іншого, правда, жем го мала,
Але мі го друга дівка одобрала! (Двічі)