Понад море, понад море
Бридка хвіля тримать,
Бо са шифа, бо са шифа
З бока на бік кивать.
Бо са шифа, бо са шифа
З бока на бік кивать.

А на морі, а на морі
Біда превелика,
Бо там не дзбать, бо там не дзбать
Нихто про чловека.
Бо там не дзбать, бо там не дзбать
Нихто про чловека.

А як умре, а як умре,
Страшно го ховають:
Два матроси, два матроси
Єден міх тримають.
Два матроси, два матроси
Єден міх тримають.

А на той міх, а на той міх
Зелізо увадять;
Так постоять, так постоять —
Над ним са порадять.
Так постоять, так постоять —
Над ним са порадять.

Як увадять, як увадять,
До моря з ним рутять;
Тогди шифа, тогди шифа
Жалосно затрубить.
Тогди шифа, тогди шифа
Жалосно затрубить.

А як шифа, а як шифа
Затрубить жалосно,
Риби тіло, риби тіло
Торгають розкошно.
Риби тіло, риби тіло
Торгають розкошно.

Риби з нього, риби з нього
Тіло оторгають;
А косточки, а косточки
По морю плавають.
А косточки, а косточки
По морю плавають.

Сестри, братя, сестри, братя
Вельку радість мають,
Бо з маєтку, бо з маєтку
Осьмину достануть.
Бо з маєтку, бо з маєтку
Осьмину достануть.

Понад море (Двічі)
Бридка хвиля тримат,
Бо ся шіфа (Двічі)
З боку на бік киват.
Бо ся шіфа (Двічі)
З боку на бік киват.

А на морю (Двічі)
Біда превелика,
Бо там не дбат (Двічі)
Нихто о чловека.
Бо там не дбат (Двічі)
Нихто о чловека.

А як помре, (Двічі)
Страшні го ховают,
Два матроси (Двічі)
Єден міх тримают.
Два матроси (Двічі)
Єден міх тримают.

А до него (Двічі)
Желізо привадят,
Як привадят, мамо рідна,
До моря з ним шмарят.
Як привадят, мамо рідна,
До моря з ним шмарят.

А як шифа (Двічі)
Затрубит жалосні,
Риби тіло (Двічі)
Торгают розкошні.
Риби тіло (Двічі)
Торгают розкошні.

Риби з него (Двічі)
Кусні одривают,
А кісточки (Двічі)
По морю плавают.
А кісточки (Двічі)
По морю плавают.

Братя в краю (Двічі)
Вельку радіст мают,
Бо з маєтку (Двічі)
Сему част достают.
Бо з маєтку (Двічі)
Сему част достают.