Поточе, поточе, зелений поточе,
Юж мі ся по тобі ходити не хоче.

Ходилам, ходила, не находилам ся,
Зеленого вінка не наносилам ся.

Ой вінку, мій вінку, як єс мі ся змінив,
Юж мі ся не будеш на главці зеленів.

Віночку зелений, як найкраща ружа,
Не жаль тя стратити за гардого мужа.

Ой вінку, мій вінку, як найкраща пава,
Не жаль тя стратити, як ся зійде пара.

Рада я ти рада, мій миленький, рада,
Хоц я про тя ходжу, як хусточка бляда.

Мам я миленького од нас недалечко,
Такий гардий, красний, як тото яблочко.

Так си файні співат і красні танцює,
Мене обіймає, личко поцілує.