Пришов би я до вас каждий вечер,
Жеби сте мі дали, што би я хтів:
Тото дівча шварне, што ма очка чорни,
То би я хтів, то би я хтів.

Пришов би я до вас каждий вечер,
Жеби сте мі дали, што би я хтів:
Не мисочку лену, а шварну Олену,
То би я хтів, то би я хтів.

Пришов би я до вас каждий вечер,
Пред вашими дверми велька мочар,
Прелож, мила, дручки, прейду помалючки,
Каждий вечір, каждий вечір.

Пришла бим я до вас, кед бим сміла,
Жеби сте мі дали, што бим хтіла:
Того шугаїчка, што ма чорни очка,
То бим хтіла, то бим хтіла.