Саноцка касарня — то вельки дім,
По ній ся прохаджат тот фраїр мій.
Ходит, ходит, горко плаче,
Аж ся та касарня ціла трясе.
Ходит, ходит, горко плаче,
Аж ся та касарня ціла трясе.

Саноцка касарня обиячна,
Обняли дівки з бодаками.
Дівки, дівки з квіточками
Та файними фраїрами.
Дівки, дівки з квіточками
Та файними фраїрами.

Юж ходте паробци, юж на вас час,
Юж пришли карточки з Праги по вас.
Карти, карти, коні врани,
До той республіки дарованой.
Карти, карти, коні врани,
До той республіки дарованой.

Як ми на ті коні посідали,
Вшитки за нас мами (плакали) заплакали.
Мами, мами, чом плачете?
Вшак за нас до войска не підете.
Мами, мами, чом плачете?
Вшак за нас до войска не підете.

Якби ми про вас не плакали,
Кой ми вас так тяжко годували.
Тяжко, тяжко, яко пташка
До той республіки на воячка...
Тяжко, тяжко, яко пташка
До той республіки на воячка...