Світ, місячку, зоре также,
Піду до дівчини, што мі скаже.
Світ, місячку, зоре также,
Піду до дівчини, што мі скаже,

Што мі повіст, што мі визнат,
Бив я там два рази, она не знат.
Што мі повіст, што мі визнат,
Бив я там два рази, она не знат.

А ще піду по третій раз,
Вигод мі, дівчино, в послідний раз.
А ще піду по третій раз,
Вигод мі, дівчино, в послідний раз.

Чим же я ти вигодиц мам?
Вінка на офіру тобі не дам.
Чим же я ти вигодиц мам?
Вінка на офіру тобі не дам.

Женити ти ся забраняют,
Богацки дівчата представляют.
Женити ти ся забраняют,
Богацки дівчата представляют.

Волю я бідну з щербами,
Як тую богату з тисячами.
Волю я бідну з щербами,
Як тую богату з тисячами.

Бо бідная Бога просит,
Богатая горою главу носит.
Бо бідная Бога просит,
Богатая горою главу носит.