Співаночки мої, де ж я вам подію?
Піду до лесика, (Двічі)
Там я вас посію.

Співаночки мої зо села, зо Мшани,
Штом вас наскладала (Двічі)
Коло свойой мами.

Мама сой співала, а я сой писала,
В головонці своїй (Двічі)
На купку складала.

Наскладалам дуже, кілько ся змістило,
Ой мі коло мами (Двічі)
Зле ци добре било.

Даштом записала, дашто єм додала,
Як ти мене, мамцю, (Двічі)
При собі тримала.

Співаю, співаю, голосу не маю,
Бом го потратила (Двічі)
По зеленім гаю.

А жеби я знала, же я ту не буду,
Не носила би я (Двічі)
На горбочок воду.

Лем би я носила під гай зелененький,
Жеби ся єй напив (Двічі)
Хлопец молоденький.

Гаю зелененький, хлопче молоденький,
Споминати будеш (Двічі)
Дівча молоденьке.