Там на горі черешенька, а під гором п’ять, (Двічі)
Моя мила сама дома, хлопці при ній спять.

Вийшла мила до маштальні, ей боже, боже, (Двічі)
Конюсі ся поленкали, ей што же, што же.

Конюсі ся поленкали, ей боже, боже, (Двічі)
Мою милу покопали, ей тоже, тоже.

Моя мила лежить хора, ей боже, боже, (Двічі)
Тре єй послань по дохтора, ей што же, што же.

По дохтора і по бабу, ей боже, боже, (Двічі)
Жеби дала яку раду, ей тоже, тоже.

Баба пришла, ради дала, ей боже, боже, (Двічі)
Жеби з хлопом не легала, ей тоже, тоже.

— Іди, бабо, іди з очей, ей боже, боже, (Двічі)
Я не спала з хлопом вночі, ей што же, што же.

Ані вночі, ані додня, ей боже, боже, (Двічі)
Лем кустєчку до полудня, ей тоже, тоже.