У тій Америці сипана дражочка,
Ходить по ній, ходить моя фраїрочка.
Ходить, ходить, ручки заламує,
Же єй милий до краю рукує. (Двічі)

— Не плач, мила, не плач, тать то вшитко дармо,
Бо я вже рукую скоро ютро рано.
Прийшов я там до Нев-Йорку вночі,
Заплакали мої сиві очі. (Двічі)

Ой Боже мій, Боже, як си тяжко старам,
Як на тоту шифу сідати на ню мам?
Бо на шифі попи не ховають,
Лем матроси до моря руцають. (Двічі)