Фраїру мій любий, ти ружо польова, (Двічі)
Кед я тя не виджу, болит мя голова. (Двічі)

Болит мя голова и межи плечама, (Двічі)
Треба мі дохтора з чорними очами. (Двічі)

Мала я фраїра, не буду го мала, (Двічі)
Бо мі цисарівна за воячка взяла. (Двічі)

Баную, баную, буду банувати, (Двічі)
Буду я тя, буду два рочки чекати. (Двічі)

А на третій рочок, як придеш додому, (Двічі)
Моє біле личко притулю ку твому. (Двічі)