Широкий мосточок заломився, (Двічі)
Росте на нім травка, не коситься. (Двічі)

Кедь би я той мосток орендував, (Двічі)
Шумне би я його випуцовав. (Двічі)

Червоні а білі ружі садив, (Двічі)
Шумне дівча з міста припровадив. (Двічі)

Проводив, проводив аж до моста, (Двічі)
Нещасная фатра на нас зайшла. (Двічі)

Як зайшла, та пушла, та й забралась, (Двічі)
Далеко на войну нас послала. (Двічі)

Кедь мі ся на войні не поведе, (Двічі)
На кого заплачу — лиш на тебе. (Двічі)

На тебе, на твою рідну мать, (Двічі)
Што ми тя не дала за жону взять. (Двічі)