Юж єм поорав те переліще, раз,
Миленька вишла, їсти винесла,
І щастя рекла перший раз.

Витай, маленька, витай, здровенька, раз,
Тяжче м поорав, легше м посіяв,
Косити буде лекше зас.

Юж єм покосив і домів звозив, раз,
Женитись треба, дівча мя не хце,
Як же то буде вера зас?

Дівчатко шварне, не будь парадне, раз,
Подай рученьку, побесідуймо,
Буде то шувні вера крас!

Юж єм поорав пів перелісся, раз,
Миленька вишла, їсти винесла,
Повіла щастя перший раз.

Витай мі, витай, серденько, витай, раз,
Тяжко м поорав, легше м посіяв,
Збирати буде легше зас.

Юж єм покосив, додом позвозив, раз,
Листок мі пришов, до войска м пішов.
Мамичка плаче гірше зас.

Не плач, мамичко, не плач, серденько, раз.
Войско вислужу і до вас прийду,
Ґаздовац буду вера зас.

Войско вислужив і додом прийшов, раз,
Дівчатко шварне іншого має,
Мене не хоче, гірше зас.

Дівчатко гарде, не будь парадне, раз,
Подай рученьку, побесідуймо,
То буде красні вера крас!

Подай рученьку, подай правеньку, раз,
Побесідуймо і ся поженьмо,
То буде красні вера крас!

Як будут діти, даме до школи, раз,
Будут ся вчити, Бога хвалити,
То буде красні, красні крас!