Як я ішов з Дебрецина додому,
Перейшла ми чорна кура дорогу.
Іди, іди, чорна куро, додому,
Не заваджай, не заваджай,
По дорозі никому.

Як я ішов з Дебрецина до Хусту,
Найшов я сой вишиваную хустку.
Ой ци мила, ци не мила єй шила,
Лем би она, лем би она
Вишиваная била.

Кед сой ішла вчера ввечер з панського,
Стріла м я сой на дорозі милого.
Так мя стискав і притискав до себе,
Ци ти підеш, ци не підеш,
Драга душе, за мене?