Як я ишов без тот хотар, возик ся мі розтеркотав.
Лучка-лучина, травка зелена, возик ся мі розтеркотав.

Зберай, мила, колічечка, будеш моя фраїречка.
Лучка-лучина, травка зелена, будеш моя фраїречка.

Як я йшов з любуваня, впав мі коник до Дуная.
Лучка-лучина, травка зелена, впав мі коник до Дуная.

Дай го, Боже, верх Дуная, заречуся любуваня.
Лучка-лучина, травка зелена, заречуся любуваня.

Як я йшов од Ганички, впав мі коник до водички.
Лучка-лучина, травка зелена, впав мі коник до водички.

Дай го, Боже, верх водички, заречуся той Ганички.
Лучка-лучина, травка зелена, заречуся той Ганички.

Як я ся ти не подобам, одпровад мя, одкаль мя взяв.
Лучка-лучина, травка зелена, одпровад мя, одкаль мя взяв.

Одпровад мя в такій вірі, якус мя взяв од матери.
Лучка-лучина, травка зелена, якус мя взяв од матери.

Одпровад мя в тім віночку, в якім мя взяв за жіночку.
Лучка-лучина, травка зелена, в якім мя взяв за жіночку.

А хоц би я світ превратив, таку бим тя не навратив.
Лучка-лучина, травка зелена, таку бим тя не навратив.

Хоц бим нашов шиту піпку, та не зроблю з жени дівку.
Лучка-лучина, травка зелена, та не зроблю з жени дівку.

Шита піпка може бути, з жени дівка юж не буде.
Лучка-лучина, травка зелена, з жени дівка юж не буде.