Як я собі в нашім селі заспівам,
Вшитких хлопців до роботи позберам.
Позберам вшитких хлопців до нашого села,
За тим селом все ня болит голова.

Не лем хлопців, але вшитки дівчата,
Бо на поли уж робота зачата.
Співают дівчата із нашого села,
За тим селом все ня болит голова...

Як я собі на весілю заспівам,
Вшитких гостей до співаня позберам.
Весіля, весіля на Петра, на Михала,
По весілю все ня болит голова.

Як я буду у далекій стороні, то заплачу,
То затужу в чужині.
До свойого села, де родина моя,
За тим селом все ня болит голова...