Як-єм ішол з Америки дому, (Двічі)
Помож, Боже, по широким морю. (Двічі)

Бо на шифі страшна хвіля тримат, (Двічі)
Лем зо шифом з бока на бік киват. (Двічі)

В Каселгарді на шифу сідати, (Двічі)
Шитко єдно і ту умерати. (Двічі)

Бо на шифі біда превелика, (Двічі)
Нихто не дзбат ани о чловека, (Двічі)

На шифі пан велебний не ховат, (Двічі)
Лем кедь помре, дрилят го до моря (Двічі)

Тіло з нього риби оторгают, (Двічі)
Лем кісточки по морю плавают. (Двічі)

Сестри, братя барс са му радіют, (Двічі)
Же з орека векшу частку мают. (Двічі)