ЯК ЄМ ИШОВ З ГАМЕРИКИ

Як єм ишов з Гамерики, (Двічі)
З той желізной, з той фабрики. (Двічі)

Ручки ся мі зрадували, (Двічі)
Же роботу понюхали. (Двічі)

Як єм пришов до Нев — Йорку, (Двічі)
До агента по шеф-карту. (Двічі)

Агенти ся мя питают, (Двічі)
Чи я мам тисяч талярів. (Двічі)

Не питайте ся мя о то, (Двічі)
Мам я срібло, мам я злото. (Двічі)

Як єм сідав на то море, (Двічі)
Струхніло мі серце моє ! (Двічі)

Боже, Боже, як ся бою, (Двічі)
Як приплину тоту воду! (Двічі)

Юж єм пришов серед моря (Двічі)
Нич не видно- небо, вода! (Двічі)

Як єм пришов до Гамбурку, (Двічі)
Том запомнув о фрасунку. (Двічі)

Як єм пришов до Берліна, (Двічі)
Випив єм си погар вина. (Двічі)

Погар вина крайового, (Двічі)
Аж мі серце охололо. (Двічі)

Як єм пришов до Кракова, (Двічі)
Чекала мя жена моя. (Двічі)

Діти мене не познали, (Двічі)
Бо од мене повтікали! (Двічі)

Діти, діти, я ваш тато, (Двічі)
Не било мя штири лята! (Двічі)