А там на луках, на барз широких,
Там же мі горить терновий огник.

Приспів:

Сам молод, ей, сам молод!
Сам молодейкий на коничейку,
Сам молод!

Кол’ огня ходить широкий танець,
А в танці ходить княгня Іванко,
На головойці сокола носить,
В правій ручейці конічка водить,
В лівій ручейці гуселки носить.
Ніхто не видів, лем панські слузі.
Скоро ввиділи, пану доповіли:
— Ой їдьте, їдьте, Іванка зв’яжіте,
Іванка зв’яжіте, ту го приведіте.
Соколойка пусьте до сокілниці,
Гуселки шмарте до гусельниці,
Конічка вставте до кінничейки,
Іванка всадьте до темничейки.
Соколик квилить, головойки хоче,
Гуселки грають, Іванка споминають,
Конічок гребе, до поля хоче,
Іванко плаче, до милейкої хоче.