З банюра я воду беру, на камені стою, (Двічі)
Такого я мужа маю, што ся го не бою.

Такого я мужа маю, як ярчана паска, (Двічі)
Тоді я го поцілую, кед є моя ласка.

Такого я мужа маю, што мат дуже жита, (Двічі)
Бо я рада, хліба печу з велького корита.

Такого я мужа маю, мат дуже пшениці, (Двічі)
Я рада, галушки варю по великій мисці.

Такого я мужа маю, што мат дуже вівса, (Двічі)
Бо я рада, кисель варю, бо кисель найліпша.