Збирала дівойка жовті яблойка.

Приспів:

Жовтая!
Ей жовтая яблінь
Жовті яблочка зродила.

Стерегла же їх красна дівойка.
Прийшов до неї батейко єї:
— Дай ми, дівойко, з єдно яблойко,
Або ми го дай, або ми продай.
— Ані ти не дам, ані не продам.
Прийшла до неї мамойка єї:
— Дай ми, дівойко, з єдно яблойко,
Або ми го дай, або ми продай.
— Ані ти не дам, ані не продам.
Прийшов до неї братейко єї:
— Дай ми, сестричко, з єдно яблочко,
Або ми го дай, або ми продай.
— Ані ти не дам, ані не продам.
Прийшов до неї милейкий єї:
— Дай ми, милейка, з єдно яблочко,
Або ми го дай, або ми продай.
— Ані ти не дам, ані ти не продам,
Ой ти милейкий, не чини си сміхом,
Не чини си сміхом, бери си із міхом.
Ліпший милейкий, як брат ріднейкий.