Піду я до вуйка на празник,
А в вуйка на столі горівка,
А за столом дівка,
А на пєцу стара баба,
Там була велика зрада,
Боявся!
А в пєцу пироги кипіли,
Зачав я сі присувати,
По єдному витягати,
Витяг я!
Але то було ще замало,
Поліз я на гору по сало.
Заки сало я дістав,
Злазив з пєца та й упав,
Забився!
Зачали з кацюбами гнати,
Зачав я через рів тікати.
Через рови утікав,
Раз у голов єм дістав —
Боліло!
Пішов я до стрика до шопи,
Заліз я межи околоти,
Пирогів ся обложив,
А салом ся помастив —
Здоров я!