У тим Уругваю пташкове співают, (Двічі)
Уж ся наши хлопці дому поберают. (Двічі)

Дому поберают, пінязі не мают, (Двічі)
Уж они нароблят своїм жінкам жалю. (Двічі)

А боже-пребоже, уж тот мій муж іде, (Двічі)
А боже-пребоже, уж ня бити буде. (Двічі)

— А мужу мій драгий, за што би-с ня біял, (Двічі)
Шитко порахую, што-с мі напосилал. (Двічі)

Орачом, копачом пінязі-м давала, (Двічі)
Тебе з Уругваю каждий ден чекала. (Двічі)

А за тот остаток чижмички-м купила, (Двічі)
Жеби я ти, мужу, боса не ходила. (Двічі)