Як я ішов з Америки додому,
Стрітив я там камарата на коню:
— Камарате, австрияку, як ся маш,
Ци там жиє іші моя стара мать?
— Камарате, австрияку, як ся маш,
Ци там жиє іші моя стара мать?

— Твоя матка уже, вера, не жиє,
Уж два роки, як в чорній земли гниє.
— Кеби я знав, же она не жиє мі,
Остав би я в Америцькой країні.
— Кеби я знав, же она не жиє мі,
Остав би я в Америцькой країні.

Як я ішов з Америки додому,
Стрітив я са з камаратом на морю.
Здоров, брате-камарате, що нове?
Ци не ходять к моюй жені панове?

Ніт, не ходять, она ходить за нима,
Аж са за ньов шире поле розвивать.
Она каже, же про тебе обжиє,
Що заженеш, то з панома пропиє.